Abylaıhan Júsipov AQSh-ta jekpe-jek ótkizedi

ASTANA. QazAqparat – Áýesqoı boksta Qazaqstan quramasynyń kapıtany bolǵan Abylaıhan Júsipov profı-rıngtegi kelesi jekpe-jegin bıylǵy qarasha aıynda AQSh-ta ótkizedi, dep habarlaıdy QazAqparat.

«Amerıkanyń Mınneapolıs qalasyndaǵy «Armoreı» arenada 5 qarashada ótetin Aıdos Erbosynuly men Devıd Morell jekpe-jeginiń anderkardynda taǵy bir boksshymyz – Abylaıhan Júsipov óner kórsetedi. Bul onyń kásipqoı bokstaǵy ekinshi aıqasy. Sportshymyzǵa sáttilik tileımiz», - dep keltirilgen boksshy komandasynyń sózderi «Qazaqstannyń kásipqoı boksy» Instagram-paraqshasynda.

Aıta keteıik, áýesqoı boksta álem chempıonatynyń úsh márte qola medalin jeńip alǵan A.Júsipov qazirgi ýaqytta A.Erbosynulymen birge AQSh-qa kelip, jekpe-jekke daıyndalyp jatyr.

A.Erbosynuly (16-0, 11KO) men D.Morrell (7-0, 6KO) WBA nusqasy boıynsha ekinshi orta salmaqtaǵy «turaqty» álem chempıony ataǵy úshin aıqasatynyn buǵan deıin habarlaǵan bolatynbyz.