Abylaıdyń 40 qyzy, 30 uly bolǵan

ASTANA. 9 qazan. QazAqparat - Abylaıdyń 12 áıelinen 40 qyzy, 30 uly bolǵan. Uldarynyń bizge belgilileri: Saǵyndyq - Shýaqbaı atty qaraqalpaq beginiń qyzy Saıman hanym­nan:

Ýálı, Shyńǵys, Ádil, Esim; Qashqar begi Kenje sarttyń qyzy Babaq hanymnan: Shegen, Rústem, Ospan, Syzdyq, Ábitaı, Áb­dildá; qalmaq hany Qaldan Serenniń týysy Hoshý mergen noıannyń qyzy Topysh hanymnan: Qambar men Qasym; Sarǵaldaq qojanyń qaryndasynan: Toq, Qosym, Aryq; Atyǵaı-Qaraýyldyń qyzy Toqta hanymnan: Syǵaı, Taǵaı, Súıik, Álı, Qu­lan, Toǵym; Orys sulýdan (tutqyn) - Sha­ma; basqa áıelderinen: Ǵumyr, Baıyr, Jáń­gir, Sypataı. Bul týraly «Alash aınasy» basylymy jazyp otyr.

Balalarynyń ishinde Ýálıdiń orny bó­lek. Ol ákesi Abylaı 1781 jyly qaıtys bolǵannan keıin han bolyp saılanǵan-tyn. Ýálıdiń tulǵasyn onyń Orynbor gý­ber­natory general Reınsdorpqa (1774 jy­ly, 2 maýsym) jazǵan haty ańǵartady: «Jo­ǵary mártebeli sizdiń Shynaıat myrza arqyly jibergen hatyńyzdy aldyq, tek ákem - Abylaı han ornynda bolmady, ol qalyń qolmen syrttaǵy jaýǵa attanǵan edi, jaýymyzdyń tas-talqany shyǵaryl­ǵandyǵy jaıly habar alyp otyrmyz. Al mundaǵy eldi onyń ornyna men basqaryp otyrmyn. Sizder de qandybalaq qaraq­shy­ny ustapsyzdar (E. Pýgachevti. - redaktor), bul habardy estip men qýanyp qaldym. Sebebi Uly mártebeli ımperatordyń biz jaýyna jaý, dosyna dospyz ǵoı!». Orys baqylaýshysy Chýchalov Ýálı týraly: "Ýálı ákesi Abylaı sııaqty órkókirek, alǵan ba­ǵy­tynan qaıtpaıtyn qaısar ári qubylma­ly. Ol meni bir-aq ret qabyldady. Bul qy­ly­ǵyn: «Ákem de Reseı jaqtan kelgender­men bir-aq ret kezdesken edi» dep dálel­dedi», - deıdi (Kazahsko-rýsskıe otnoshe­nııa v XVІІІ-XІX vekah, A., 1964, 106-b.).