Abu Dhabi Ports «Quryq» portyn damytýǵa qyzyǵýshylyq tanytyp otyr
QR Indýstrııa jáne ınfraqurylymdyq damý mınıstrliginiń baspasóz qyzmeti taratqan aqparatqa qaraǵanda, Memleket basshysy Qasym-Jomart Toqaevtyń Birikken Arab Ámirlikterine resmı issapary aıasynda QR Indýstrııa jáne ınfraqurylymdyq damý mınıstrligi Ámirlikter tarapymen teńiz aılaqtarynyń ınfraqurylymyn damytý men áýe qatynasy salasyndaǵy áriptestikti nyǵaıtýǵa baǵyttalǵan memorandýmdarǵa qol qoıdy.
Qazaqstan men BAÁ arasyndaǵy ekonomıkalyq baılanysty nyǵaıtý maqsatynda, onyń ishinde kólik-logıstıka salasyndaǵy áriptestikti arttyrý úshin qazir Abu Dhabi Ports kompanııasymen teńiz porttarynyń ınfraqurylymyn damytý boıynsha birlesken jobalardy júzege asyrý kózdelip otyr.
Osy baǵyttaǵy jumysty tıimdi iske asyrý úshin mınıstrlik Abu Dhabi Ports-pen ózara túsinistik týraly ýaǵdalastyqqa qol jetkizdi.
Soǵan sáıkes atalǵan kompanııaǵa konteınerlik hab pen Quryq portynda «Sarja» kóp qyzmetti termınalyn salý, sondaı-aq keme shyǵaryp, jóndeıtin zaýyttyń qurylysyna baılanysty jobalar usynyldy.
«Taıaýda Abu Dhabi Ports-tyń basshysy Muhammed Ál-Shamsımen onlaın rejimde kelissózder júrgizip, onyń nátıjesinde Ámirlikter tarapy Quryq portyn damytýǵa qyzyǵýshylyq tanytyp otyrǵany belgili boldy. Sondaı-aq BAÁ-men «Qazaqteńizkólikfloty» JShS-ne 2 tanker berý boıynsha da kelissózder júrgizilip jatyr. Joǵaryda aıtylǵan jobany iske asyrý úshin Abu Dhabi Ports – «QazMunaıGaz» – «Qazaqteńizkólikfloty» arasynda birlesken kásiporyndy qurý josparlanǵan», dedi QR Indýstrııa jáne ınfraqurylymdyq damý mınıstri Marat Qarabaev.
Sonymen qosa QR Prezıdenti Qasym-Jomart Toqaevtyń resmı sapary kezinde elimizdiń ushý geografııasyn keńeıtýmen birge BAÁ arasyndaǵy áýe qatynasyn odan ári nyǵaıtý úshin eki eldiń avıatsııalyq bılikteri Avıatsııalyq qatynas týraly vedomstvoaralyq memorandýmǵa qol qoıdy.
Qazirgi tańda Qazaqstan men Birikken Arab Ámirlikteri arasynda 8 baǵyt boıynsha aptasyna 60 reıs oryndalyp keledi. Áýe tasymalyn Fly Dubai, Air Arabia, Wizz Air Abu Dhabi men otandyq «Eır Astana» kompanııasy iske asyryp keledi. Bul baǵyttaǵy áriptestik reısterdiń jıiligi men mejeli pýnktterdiń shekteýin qarastyrmaıtyn ózara túsinistik týraly memorandýmnyń negizinde júzege asyrylyp jatyr.
Budan bólek arab memleketimen ónerkásip salasynda da jemisti áriptestik ornaǵan. Aıtalyq, qazir Pavlodar oblysynda Canarax (BAÁ) kompanııasy tehnıkalyq kremnıı óndiretin zaýytty salýǵa baılanysty jobany sátti iske asyryp keledi.
«Qazir atalǵan zaýyttyń jobalaý-smetalyq qujattamasy daıyn. Memlekettik saraptama osy jyldyń basynda júrgiziledi dep kózdelgen. Qurylys-montaj jumystary aldaǵy aqpan aıynda bastalady dep josparlanyp otyr. Kásiporyn 2024 jyly iske qosylýy tıis», dedi M.Qarabaev.
Foto: facebook.com/quryqporty