Ábý-Dabı men Astana baǵyty boıynsha reıster sany artady
12:02, 02 Maýsym 2018
ASTANA. QazAqparat - Bıyl jazda Ábý-Dabı men Astana baǵyty boıynsha reıster sany artady. Bul týraly QR IDM Azamattyq avıatsııa komıteti baspasóz qyzmeti málim etti, dep habarlaıdy QazAqparat.
«2018 jylǵy 1 shildeden 31 tamyzǵa deıingi aralyqta Birikken Arab Ámirlikteriniń Etihad Airways áýe kompanııasy «Ábý-Dabı - Astana - Ábý-Dabı» baǵyty boıynsha aptasyna 2-den 3 retke deıin reıster sanyn arttyrady. Bul osy maýsymdaǵy jolaýshylar tarypanan suranystyń joǵarylaýyna baılanysty jasalyp otyr», - dep atap ótilgen habarlamada.
Reıster sársenbi, senbi jáne jeksenbi kúnderi A-320 tıpti áýe kemesinde oryndalatyn bolady.
Avıakompanııanyń málimetinshe, Astanaǵa jasalatyn reıstermen qatar, Bahreın, Kochın, Belgrad, Mınsk jáne Baký qalalaryna da áýe saparlary sany artady.