Ábý-Dabı 55 memleket úshin karantın sharalaryn alyp tastaıdy

KAIR. QazAqparat – 1 qyrkúıekten bastap Ábý-Dabı Ámirligi Birikken Arab Ámirlikteriniń (BAÁ) astanasyna kelýshi, qazirgi kezde jasyl tizimge kirgen 55 memleket úshin mindetti karantın sharalaryn alyp tastaıdy, dep habarlaıdy QazAqparat Gulf Today basylymyna silteme jasap.

Buǵan deıin BAÁ 30 tamyzdan bastap Dúnıejúzilik Densaýlyq saqtaý uıymynyń koronavırýsqa qarsy maquldaǵan vaktsınany saldyrtqan elderdiń azamattaryna týrıstik vızany qaıta beretinin jarııa etken bolatyn. Bul sheshim buǵan deıin Ámirlikterge kirýge tyıym salynǵan elderge taralady. Endi bul elderdiń azamattary áýejaıda mindetti túrde PTR-test tapsyrýy tıis bolady. Vaktsına saldyrtpaǵan elderdiń azamattar tobyna qatysty buǵan deıin engizilgen erejeler óz kúshinde qalady. PTR-test tapsyrý mindetti, alaıda vaktsına alǵan azamattar birqatar jeńildikter alady. Elde qytaılyq Sinopharm korporatsııasy men amerıkandyq Pfizer kompanııasynyń nemistiń BioNTech seriktesimen birlesip shyǵarǵan vaktsınalary, sondaı-aq DDSU áli maquldamaǵan reseılik «Spýtnık V» vaktsınalary qoljetimdi.

Qazirgi kezde BAÁ-da koronavırýs juqtyrǵandar sany táýligine myń adamnan aspaı otyr.