«Ábish álemi - sýretshiler kózimen»: Aqtaýda respýblıkalyq sımpozıým ótip jatyr

<p>AQTAÝ. KAZINFORM &ndash; Shara Qazaqstannyń halyq jazýshysy, memleket jáne qoǵam qaıratkeri Ábish Kekilbaıulynyń 85 jyldyǵy aıasynda ótýde. Oǵan Qaraǵandy, Almaty, Astana, Taldyqorǵan, Oral, Aqtóbe qalalarynyń sýretshileri men mańǵystaýdyń qylqalam sheberleri qatysýda.&nbsp;</p>

- Bul sımpozıýmdy klassık ónerlerdiń basynyń toǵysýy dep sanar edim. Óıtkeni bir úlken klassık shyǵarmashyl avtordyń shyǵarmalaryn taǵy bir klassık ónerdegi shyǵarmashylyq toptyń kózqarasymen ony kelesi shyǵarmaǵa aınaldyrýy, osy avtordyń týyndylarynyń ómirsheńdigin kórsetedi. Men Ábish aǵanyń poezııasy emes, proza janryndaǵy «Shyńyraý» degen shyǵarmasyn tańdadym, - deıdi Almaty qalasynyń kásibı sýretshisi Oralbek Qabóke.

Foto: Kazinform/Aıagóz Іzbasarova

Sımpozıýmnyń maqsaty – Ábish Kekilbaıulynyń shyǵarmalaryn nasıhattap, daryndy shyǵarmashyl tulǵalarǵa qoldaý bildirip, tájirıbemen bólisý. Qatysýshylar avtordyń shyǵarmalarynan kompozıtsııalyq jumystar oryndaıdy (jumystyń ólshemi 80*100).

Foto: Kazinform/Aıagóz Іzbasarova

- Sımpozıýmǵa 20 shaqty sýretshi qatysýda. Shara 4 kúnge jalǵasady. Sýretshiler Sherqala men Aıraqty taýlaryna baryp, plener jazady. Barlyǵyna da Ábish Kekilbaevtyń shyǵarmalaryna baılanysty sýret salý tapsyryldy. Daıyn kartınalar 11 qazan kúni Qabıbolla Sydıyqov atyndaǵy Mańǵystaý oblystyq ámbebap kitaphanasynda kórmege qoıylady, - deıdi QR sýretshiler odaǵy Mańǵystaý oblystyq fılıalynyń tóraǵasy Baqytjan Qulbaev.

Buǵan deıin Mańǵystaýda áleýmettik mańyzy bar azyq-túlik taýarlarynyń arzandaǵany týraly jazǵan bolatynbyz.