Abıtýrıent UBT tapsyratyn kúndi ózi tańdaıdy
«UBT-ny ótkizý protsesin tsıfrlandyrý birqatar erekshelikterge jáne utymdy jaǵdaılarǵa ıe. Birinshiden, bul test tapsyrýshylardyń ózderi úshin yńǵaıly. UBT burynǵydaı 10 kúnniń ishinde ǵana emes, endi úsh aı boıy UBT elektrondy formatta ótetin bolady. Eń utymdy jaǵyna toqtalsaq, oqýǵa túsýshiniń ózi qaı kúnge, qaı ýaqytta jáne qaı jerde ótkizýdi tańdaı alady. Tirkelgennen keıin, testileýdi elektrondy formatta ótedi», - dedi departament basshysy.
Taratylǵan málimetke qaraǵanda, memlekettik bilim grantyn taǵaıyndaý konkýrsyna qatysý úshin UBT 15 sáýirde bastalyp, 30 maýsymǵa deıin jalǵasady. Testileý alǵash ret elektrondyq formatta ótedi.
Kompıýterlik UBT-ǵa ótinishti Ulttyq testileý ortalyǵynyń https://app.testcenter.kz/ saıty arqyly berýge bolady. Tirkeý onlaın rejımde júrgiziledi, eshqandaı qujat pen fotosýretter talap etilmeıdi. Abıtýrıent saıtqa kirip, kez kelgen testileý pýnktin, UBT tapsyrý kúni men ózine yńǵaıly ýaqytty tańdaıdy.
Eger buryn talapkerlerge UBT-da kitapshanyń qaǵaz nusqasy men jaýap paraǵy beriletin bolsa, endi úmitkerler testileýdi kompıýter arqyly tapsyratyn bolady.