Ábish Kekilbaıuly shyǵarmalary negizinde sahnalanǵan qoıylymdardyń rekvızıtteri mýzeıge qoıyldy

AQTAÝ. QazAqparat - Á. Kekilbaıulynyń týǵan kúnine oraı Mańǵystaý oblystyq mýzeıiniń ekpozıtsııa zalyna jazýshynyń shyǵarmalary negizinde sahnalanǵan qoıylymdardyń rekvızıtteri qoıyldy, dep habarlaıdy QazAqparat tilshisi.

Atap aıtsaq, kórmege M.Áýezov teatrynyń 60 jyldyǵyna oraı tuńǵysh ret jazýshynyń drama janrynda qoıylǵan «Abylaıhan» dramasynyń basty keıipkeri rólin somdaǵan Qazaqstan Respýblıkasynyń eńbek sińirgen ártisi T.Jamanqulovtyń kıgen shapany men asa taıaǵy ákelindi. Sondaı-aq«Bir shókim bult», «Ańyzdyń aqyry», «Shyńyraý», «Kúı» shyǵarmalary negizinde jergilikti N.Jantórın atyndaǵy teatr qoıylymynyń rekvızıtteri, jazýshy aýdarmalarynyń biri «Romeo men Djýletta» qoıylymynda kıgen sahnalyq kıimderi qoıyldy.

«Jaqsynyń aty, ǵalymnyń haty ólmeıdi» demekshi, búgin aramyzda bolmasa da, onyń shyǵarmalary eshqashan ólmeıdi. Biz onyń muralaryn dáriptep, keıingi urpaqqa jetkizýimiz kerek», - dedi Mańǵystaý oblysy ákiminiń orynbasary Ulyqbek Tinálıev.

Sonymen birge Ábish Kekilbaıulyn eske alý sharalary aıasynda jazýshynyń týyndylar jınaǵynyń tusaýkeseri boldy.