Ábish Kekilbaev: Ult tatýlyǵy - ıgiliktiń kepili

ASTANA. QazAqparat - Budan bes jarym ǵasyr buryn shańyraq kótergen Qazaq handyǵy búginde alyp elge aınaldy, dep jazady «Egemen Qazaqstan» gazetine Qazaqstannyń halyq jazýshysy, Memlekettik syılyqtyń laýreaty, Qazaqstannyń Eńbek Eri Ábish Kekilbaev.

Memlekettiń qalyptasýy - bul barynsha uzaq ári tym kúrdeli protsess. Óıtkeni, talaı tar jol, taıǵaq keshýlerden ótken Uly kósh árqıly jymysqy saıasattyń yqpalynda qalyp qoıǵandyqtan, tól tarıhymyzdy tereńinen tanı almaı keldik. Al tarıh - hal­qymyzdyń ótken ómiri, ata-baba­larymyzdyń ómir joly. Bir halyq óziniń tarıhyn bilmese, bir el óziniń tarıhyn joǵaltsa, onyń artynsha ózi de joǵalýǵa yńǵaıly bolyp turady. Demek, bútin bir eldiń rýhymen qalyptasqan tarıhty eshqashan óshirýge bolmaıdy. Qazaq handyǵyna - 550 jyl! Ótken jylǵy Táýelsizdik mere­kesine arnalǵan saltanatty jıyn tórinen Memleket bas­shy­sy Nursultan Ábishuly Nazar­baev: «Uly Dalada kúlli Eýra­zııa qurlyǵyn ýysynda ustaǵan alyp memleketter bolǵan. Alyp keńistikti en jaılap, erkin bılep-tóstegen aıbarly halyqtar ómir súrgen. Búgingi Qazaqstan - sol baba­lardyń zańdy murageri. ...Ult­tyq tarıhymyz ben máde­nıe­­ti­miz­degi mańyzdy datany - Qazaq han­dyǵy qurylýynyń 550 jyldy­ǵyn atap ótetin bolamyz», - degen edi.

Tarıh - taǵylym. Sondyqtan, memlekettiligimizdiń qalyptasýy kezeńindegi handarymyzdyń dáýirin, sol tustaǵy jyraýlar men abyzdardy, bıler men batyrlardy bar bolmysymen urpaq sanasyna sińirý kerek. Ýaǵynda: «Eshbir dushpan basynbaǵan elmiz, basymyzdan sóz asyrmaǵan elmiz, dosymyzdy saqtaı bilgen elmiz, dám-tuzdy aqtaı bilgen elmiz», dep tolǵaǵan Qazybek bı babamyz sekildi qazaq halqynyń qadir-qasıetin, ulttyq sıpatyn dóp basyp beınelegen eshkim bolmaǵan shyǵar, sirá. Alash balasy arǵy-bergi taǵ­dyrynda talaı buralań-bura­lań belesterden ótip, bostan­dyqqa jetip, jer betinen Qazaq atyn joǵaltpaı, Máńgilik El bo­lýǵa, baıandy bolashaqqa betburys jasap keledi. Táýelsizdik pen teńdiktiń, yn­­tymaq pen birliktiń belgisi - Qazaq eliniń tól merekesin tuń­ǵysh ret memlekettik deńgeıde atap, ulttyq qadir-qasıetimiz ben aq jolymyzdy ulyqtaý - Alty Alashtyń rýhyn kóteredi dep senemiz! «Máńgilik Eldiń» qaǵı­dasy bizdiń damýymyzdyń arqaý­lyq qundylyqtaryn, Qa­zaq­stan halqynyń ortaq múd­desi men tarıhı taǵdyryn aıshyq­taıdy. Sebebi, Máńgilik El mura­tyna jetý urpaqtar birligi men sa­baq­tas­tyǵynyń kórinisi arqy­ly júzege asatyndyqtan da El­ba­synyń halyqtyń úsh býy­nyna ún qatýy keshegi tarıh qoı­naýyndaǵy babalar únin taǵy da jańǵyrtqandaı áser qaldyrady. Memleket qurylýynyń mereıtoıy eń aldymen azamattardyń patrıottyq sezimderin arttyrý men Qazaqstan memlekettiligin nyǵaıtýǵa baǵyttalyp otyr. Osylaı ult ómiriniń hám jarqyn belesterin beıneleıtin, elimizdiń uly toıy - Qazaq elinde turatyn barsha halyqtyń toıy! Muny birlese merekeleýge mindettimiz. Ult tatýlyǵy - ıgiliktiń kepili. Tutasqan judyryqtaı myǵym bolýymyz kerek. Birligi taıǵan elge baq qutaımaıdy. Berekeniń bas­taýy eldiń yntymaǵy ekenine de Táýelsizdigimizdiń ǵasyrǵa bergisiz alǵashqy belesinde kýá bolyp otyrmyz. Jańadan qurylyp otyr­ǵan «Máńgilik El» qory ultty­ǵymyzdy ulyqtaýǵa, babalarymyzdan mıras bolǵan murany qadirleýge, qasterleýge jeteleıdi degen oıdamyz. Mereıli memleketimizdiń mereıtoıy isker azamattar, metsenattar, demeýshiler tarapynan da jan-jaqty qoldaý tabýy tıis. Saýapty iske úles qosqan ár aza­matqa Allanyń nury jaýsyn!