Ábilǵazy Qusaıynov federatsııa gazetin synaıtyndarǵa jaýap berdi
"Bizde "Qazaqstan kásipodaǵy" degen gazet bar. Bári jatyp alyp, sony synaıdy. Sonda materıaldy ózderi beredi de, basyp ber deıdi. Baspasań, taǵy renjıdi. Óz materıalyn synamaıdy, jaman dep aıtpaıdy. Bárin federatsııaǵa jaba salady. Materıaldar bizdiki emes, sizdiki ǵoı! Federatsııa onyń bárin jınaıdy da, gazetke basady. Boldy. Sondyqtan qazirgi psıxologııadan qutylý qajet. Ol da - eskiniń sarqynshaǵy. Bárin kináli deımiz, al ózimizdi sútten aq, sýdan taza dep sanaımyz. Ondaıdy qoıý qajet", - dedi uıym basshysy Ábilǵazy Qusaıynov búgin sanany jańǵyrtý máselesine arnalǵan respýblıkalyq forýmda.
Federatsııanyń aqparattyq jumys jónindegi departament dırektory Nurlan Dosymov ta gazet jumysyna qatysty eski kózqarastyń bar ekenine basa nazar aýdardy. Sebebi aımaqtar, kóp jaǵdaıda, ózekti materıaldardy emes, resmı esepterdi berip jatady. "Mysaly, jańalyqtardyń barlyǵy birdeı. Semınar ótti, forým ótti, bireýge dıplom berildi. Odan aspaı jatady. Kúni keshe kásipodaqtar eki sot otyrysynda jeńdi. Mine, osy aqparatty berýdiń ornyna biz taǵy bir semınar ótkizdik dep jar saldyq. Osylaısha, ózimiz federatsııanyń jumysyn durys kórsetpeı jatamyz", - dep atap kórsetti Dosymov.
Foto azh.kz