Abylaıhan Júsipov Azııa chempıonatynyń jartylaı fınalyna ótti

<p>ASTANA. KAZINFORM &ndash; Taıland koroldiginiń Chıangmaı qalasynda bokstan erler jáne áıelder arasynda ótip jatqan Azııa chempıonatynda Abylaıhan Júsipov alǵashqy jekpe-jegin sátti ótkizdi.</p>

Abylaıhan 71 kelige deıingi salmaqta túrkmenstandyq Baıramdýrdy Nurmuhamedovpen qolǵap túıistirdi. 

Bul jekpe-jek otandasymyzdyń aıqyn basymdylyǵymen ótti. Úshinshi raýndta ol qarsylasyn nokdaýnǵa jiberdi. Qorytyndy esep – 5:0. Osylaısha, Abylaıhan Júsipov te jartylaı fınalǵa joldama aldy.

Endi Qazaqstannan Áıgerim Sáttibaeva men Symbat Álıasqar rıngke shyǵady.

Eske sala keteıik, budan buryn bokstan Azııa chempıonatynda Dıas Moljigitovtiń jartylaı fınalǵa joldama alǵanyn jazǵan bolatynbyz. Sondaı-aq Dýlat Bekbaýov malaızııalyq boksshyny nokaýtpen jeńdi.