Abylaı Myrzahmetovke qatysty tergeý jalǵasyp jatyr - Antıkor

<p>Abylaı Myrzahmetovke qatysty sotqa deıingi tergeý amaldary jalǵasyp jatyr. Bul týraly Sybaılas jemqorlyqqa qarsy is-qımyl agenttiginiń resmm ókili Arman Tileýkenov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Burynǵy Aýyl sharýashylyǵy vıtse-mınıstri Nurjan Áltaevqa shyqqan úkim jarııalandy. Ony 10 jylǵa bas bostandyǵynan aıyrý jóninde sheshim qabyldandy. Kúdikti Abylaı Myrzahmetov týraly aıtar bolsam, qazirgi ýaqytta oǵan qatysty sotqa deıingi tergeý amaldary jalǵasyp jatyr. Qylmystyq is aıaqtalǵannan keıin sotqa joldanady», — dedi Arman Tileýkenov.

«Atameken» ulttyq kásipkerler palatasynyń eks-basshysy Abylaı Myrzahmetov bıylǵy 10 mamyrda ustalǵan edi. 

«10 mamyrda „Atameken“ ulttyq kásipkerler palatasy basqarmasynyń eks-tóraǵasy Abylaı Myrzahmetov ustaldy. Ol alaıaqtyq pen kásipkerdi onyń týysyn qylmystyq jaýapkershilikten bosatýǵa járdemdeskeni úshin asa iri kólemde para berýge ıtermelegen degen kúdikke ilindi. Kúdikti Astana qalasy polıtsııa departamentiniń ýaqytsha ustaý ızolıatoryna qamaldy» delingen Antıkor habarlamasynda.