Abylaı Myrzahmetov isi sotqa joldandy

<p>Astana qalasynyń qylmystyq ister jónindegi mamandandyrylǵan aýdanaralyq soty &laquo;Atameken&raquo; UKP burynǵy basshysy Abylaı Myrzahmetov isi sotqa túskenin habarlady.</p>

Abylaı Myrzahmetov bıylǵy 10 mamyrda ustalǵan edi.

Ol alaıaqtyq jasady jáne asa iri mólsherde para berýge ıtermeledi dep aıyptalyp otyr. 

«10 mamyrda „Atameken“ ulttyq kásipkerler palatasy basqarmasynyń eks-tóraǵasy Abylaı Myrzahmetov ustaldy. Ol alaıaqtyq pen kásipkerdi onyń týysyn qylmystyq jaýapkershilikten bosatýǵa járdemdeskeni úshin asa iri kólemde para berýge ıtermelegen degen kúdikke ilindi. Kúdikti Astana qalasy polıtsııa departamentiniń ýaqytsha ustaý ızolıatoryna qamaldy» delingen Antıkor habarlamasynda.

Eske sala keteıik, Abylaı Myrzahmetov ótken jyly 18 aqpanda «Atameken» UKP basqarma tóraǵalyǵynan óz erkimen bas tartqan.

Aıta keteıik, Abylaı Myrzahmetov ár jyldary Premer-Mınıstrdiń orynbasary, Aýyl sharýashylyǵy mınıstri jáne basqa qyzmetterdi atqarǵan, «Atameken» kásipkerler palatasyna 2013-2022 jyldary tóraǵalyq etken.