Ábıba Ábýjaqynova dzıýdodan Qazaqstannyń eńbek sińirgen sport sheberi ataǵyn aldy

<p>ATYRAÝ. KAZINFORM — Parıj Olımpıadasyna qatysyp, 5-oryn alǵan Ábıba Ábýjaqynova dzıýdodan Qazaqstan Respýblıkasyna eńbek sińirgen sport sheberi ataǵyndy.</p>

Bul týraly dzıýdoshy óziniń áleýmettik jelidegi paraqshasynda habarlady. 

«Dzıýdodan Qazaqstan Respýblıkasyna eńbek sińirgen sport sheberi ataǵyna ıe boldym. Aqtóbede ótip jatqan dzıýdodan Qazaqstan chempıonaty aıasynda Qazaqstan Respýblıkasy Týrızm jáne sport mınıstri Erbol Qýantaıuly Myrzabosynov kýálik tabystady. Sondaı-aq, Eldos aǵam altyn nashıvkasyna qol jetkizdi. Eldos aǵamnyń jolyn bersin dep yrymdadym», — deıdi Ábıba Ábýjaqynova.

Dzıýdoshy Ábıba Ábýjaqynovanyń enshisinde álem chempıonatynyń eki kúmis júldesi bar. Ol 48 keli salmaqta kúresedi. Atyraý oblysynyń atynan Parıj Olımpıadasyna qatysqan ol qola júlde úshin beldesýde shved palýanynan utylyp qaldy. Degenmen, tórtjyldyq dodada 5-orynǵa turaqtady.

«Meniń synýǵa, jeńilýge, nalýǵa jáne kúrespeýge quqyǵym joq dep oılaımyn! Men áli-aq jarq etemin», — degen edi Olımpıadan keıin Ábıba Ábýjaqynova.

Eske sala ketelik, buǵan deıin atyraýlyqtar Parıj Olımpıadasynan oralǵan Ábıba men Esmıgúlge kólik syılaǵanyn habarlaǵan bolatynbyz. 

Keıin dzıýdoshy Ábıba Ábýjaqynovaǵa úshinshi kólik syıǵa berilgenin jazǵan edik.