ASTANA. KAZINFORM - Qazaqstandyq dzıýdoshy Abıba Ábýjaqynova (48 keli) álemdik Gran-prı jarysynyń fınalynda kúresti.
Fınalda qazaqstandyq balýan japonııalyq Mızýkı Haradamen kezdesti.
Beldesý barysynda Abıba belsendilik tanytty. Nátıjesinde qarsylasynan 10:1 esebimen basym túsip, Gran-prı jarysynyń chempıony atandy.
Ol jartylaı fınalda Amber Hersesti (Nıderlandy), al shırek fınalda Sprınger Jaklındi (Avstrııa) jeńdi.
Abıba Ábýjaqynova 1997 jyly dúnıege kelgen. Álem chempıonatynda 2022, 2024 jyldary qola aldy.
Al Azııa chempıonatynda 2021, 2022 jyldarda kúmis medalǵa qol jetkizdi.
2024 jylǵy Parıj Olımpıadasynda besinshi orynǵa turaqtady.
Qazaqstan dzıýdo federatsııasynyń baspasóz qyzmetinen málim etkenindeı, atalǵan dodada álemniń 52 elinen 438 sportshy baq synaıdy dep josparlanǵan.
Gran-prı týrnırinde Qazaqstan namysyn 16 tatamı sheberi qorǵap jatyr.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.