Abhazııa parlamentindegi atys: bir depýtat qaza tapty, ekinshisi jaralandy

<p>ASTANA.KAZINFORM - Abhazııa parlamentindegi jabyq otyrys kezinde atys boldy, dep jazady <a href="https://tass.ru/proisshestviya/22717987" target="_blank" rel="noopener">TASS</a>.</p>

Abhazııa bas prokýratýrasynyń aldyn ala málimeti boıynsha, depýtat Adgýr Harazııa oq atqan.

Abhazııa bas prokýrorynyń orynbasary Rýslan Tyrkba jýrnalısterge Abhazııanyń quqyq qorǵaý organdary oq atqan adamdy taýyp, ustaýǵa baǵyttalǵan jedel izdestirý sharalaryn júrgizip jatqanyn aıtty.

Ol ekonomıkalyq saıasat komıtetiniń otyrysy kezinde parlament ǵımaratynda atys bolǵanyn túsindirdi.

- Komıtet otyrysynda depýtattar arasynda janjal shyǵyp, keıin atys boldy. Atys saldarynan jaralanǵan eki depýtat aýrýhanaǵa jetkizildi. Vahtang Golandzııa jaraqattan qaıtys boldy, ekinshisi Kan Kvarchıı jaǵdaıyn turaqtandyrý úshin kómek alýda, - dedi Tyrkba.