Abel Sanches: «Kanelo» myqty pancher emes

ASTANA. QazAqparat - Gennadıı Golovkınniń bapkeri Abel Sanches GGG-nyń Saýl Alvareske qarsy jekpe-jegine qatysty óz boljamyn ózgertip aıtty, dep habarlaıdy Sports.kz.

«Ótkende men Golovkın «Kanelony» 8-raýndta nokaýtqa jiberedi degenmin. Qazir men óz boljamymdy ózgerttim, eki boksshy arasyndaǵy aıqas «Kanelo» jyǵylǵanǵa deıin jalǵasady. Óıtkeni GGG Alvareske qaraǵanda myqtyraq, - dedi Sanches ESNews-ke bergen suhbatynda.

Golovkınniń bapkeri bul mansapty aıqyndaıtyn jekpe-jek ekendigin atap aıtty.

«Kanelo» qarsylastarymyzdyń ishindegi eń sheberi bolsa da, ony myqty pancher dep ataı almaımyn», - dep sózin túıdi Sanches.