Abel Sanches Golovkınniń jasy týraly: Shynaıy kózben qaraýymyz tıis

ASTANA. QazAqparat - Qazaqstandyq boksshy Gennadıı Golovkınniń bapkeri Abel Sanches On The Ropes Boxing Radio-ǵa bergen suhbatynda meksıkalyq Saýl Alvarespen ótýi yqtımal úshinshi aıqasqa qatysty pikir bildirdi. Bul týraly Sports.kz habarlady.

-         Keler jyly Gennadıı 37 jasqa tolady. Sizdiń pikirińizshe, kelesi joly jas ereksheliginiń faktory óz yqpalyn tıgizýi múmkin be?

-         «Joq» dep aıtqymyz keledi. Biraq biz shynaıy kózben qaraýymyz tıis. Bul joly olar - árqaısysy jaqsy kúıde boldy. Aıtylyp otyrǵan másele belgili bir rólin oınaýy múmkin. Degenmen dál solaı bolady dep oılamaımyn. Menińshe, ekeýi de bir-birine baǵyttalǵan. Markes pen Pakıao sııaqty, eger olar kúsh-jigerlerimen aıqastyń sondaı túrin kórsete alsa. Biraq aıyrmashylyqty baıqaısyzdar dep oılamaımyn.

Eske salaıyq, Golovkın men Alvarestiń alǵashqy jekpe-jegi byltyr teń aıaqtalǵan bolatyn. Bıylǵy rematchta tóreshilerdiń basym daýysymen jeńis meksıkalyq boksshyǵa berildi.