Abel Sanches Golovkınniń absolıýtti álem chempıony ataǵy úshin aıqasynyń bolmaýyna kinálilerdi atady
10:04, 04 Qazan 2021
NUR-SULTAN. QazAqparat – Genadıı Golovkınniń burynǵy jattyqtyrýshysy Abel Sanches 2017 jyly orta salmaqta absolıýtti álem chempıony ataǵy úshin GGG men Bıll Djo Sonders arasyndaǵy aıqas nege bolmady degen suraqqa jaýap berdi, dep habarlaıdy QazAqparat Sports.kz-ke silteme jasap.
Ol kezde qazaqstandyq WBA, WBC jáne IBF tıtýldarynyń ıegeri, al Sonders WBO nusqasy boıynsha chempıon edi.
- Shyn máninde bizde Qazaqstanda Sonderspen jekpe-jekke kelisimshart jasalǵan. Bul elordadaǵy EKSPO-2017 kórmesinde boldy. Biraq qandaı da bir sebeptermen EKSPO uıymdastyrýshylary tıisti kepildikterdi oryndaı almady jáne aıqas ta bolǵan joq. Bul jekpe-jekti uıymdastyrýdyń jalǵyz tásili Bıllı Djonyń kepildikterin oryndaý edi. Biraq olar oǵan budan buryn aıtylǵan somaǵa kepildik bere almady ári kelissózderge qaıta oralǵan joq. Óıtkeni bizde ondaı aqsha bolmady, - dedi Sanches Fighthub TV bergen suhbatynda.