Abel Sanches GGG-diń jeńisine shúbá keltiretinderge jaýap berdi

ASTANA. QazAqparat - Gennadıı Golovkınniń jattyqtyrýshysy Abel Sanches GGG-diń Denıel Djeıkobsty jeńgenine kúmán keltiretin ınternet-qoldanýshylarǵa pikirin bildirdi, dep habarlaıdy Sports.kz.

«Ótken senbide úsh tóreshi Golovkınniń paıdasyna sheshim shyǵardy, sondyqtan ózgelerdiń aıtyp jatqany meni tolǵandyrmaıdy. Bul mańyzdy emes, sebebi sýdıalardyń úkimin ózgertpeıdi. Tarıhqa basqalardyń ne aıtqany emes, aıqastyń qalaı ótkeni enedi. Áleýmettik jelilerde óz pikirleri mańyzdy dep oılaıtyn «dıvandyq bapkerler» men «klavıatýralyq sýdıalar» óte kóp.  Tóreshiler aıqastyń nátıjesin eseptedi, sol ǵana mańyzdy», - dep keltirdi Sanchestiń sózin Boxingscene.com

Eske sala keteıik, Golovkın - Djeıkobs aıqasy 18 naýryz kúni ótip, sýdıalar biraýyzdan qazaqstandyqty jeńimpaz dep tanydy.