Abel Sanches Gennadıı Golovkınniń bolashaǵy týraly aıtty

<p>ASTANA.KAZINFORM &mdash; Orta salmaqtaǵy burynǵy álem chempıony Gennadıı Golovkınniń jattyqtyrýshysy bolǵan Abel Sanches GGG qarbalasqa toly ári abyroıly boks mansabynan keıin otbasy men jeke isterine ýaqyt bólýge laıyq ekenin aıtty, dep habarlaıdy <a href="https://www.sports.kz/news/nehochu-videt-abel-sanches-vyiskazalsya-o-buduschem-gennadiya-golovkina" target="_blank" rel="noopener">Sports.kz</a>.</p>

- Ol endigi ýaqytyn otbasy men balalaryna arnaǵanyna qýanady dep oılaımyn. Balalar tez ósedi. Ol birshama jasqa kelip qaldy, qazir 41-de. Ony qaıtadan boksshy retinde kórgim keledi dep aıta almaımyn. Biraq men onyń otbasynyń múshesi emespin. Ol otbasymen birge ýaqyt ótkizip, ózine jáne otbasyna qalaı durys bolatynyn sheshýi kerek, - dedi Sanches Little Giant Boxing-ke.

Esterińizge sala keteıik, 26 aqpanda Gennadıı Golovkın Tımýr Qulybaevtyń ornyna Qazaqstan Respýblıkasy Ulttyq Olımpıada komıtetiniń prezıdenti bolyp resmı túrde saılandy.