Abdýlla Gúl: Qazaqstan 30 jylda turaqtylyq pen qaýipsizdiktiń ortalyǵyna aınaldy

NUR-SULTAN. QazAqparat – 30 jylda Qazaqstan Azııadaǵy jarqyraǵan juldyz sekildi ekonomıkalyq turaqtylyq pen qaýipsizdiktiń ortalyǵyna aınaldy. Túrkııanyń eks-prezıdenti Abdýlla Gúl Táýelsizdiktiń 30 jyldyǵyna arnalǵan «halyqaralyq ǵylymı-praktıkalyq konferentsııaǵa joldaǵan beınebaıandamasynda osyndaı pikir aıtty, dep habarlaıdy QazAqparat tilshisi.

«Qazaqstannyń Tuńǵysh Prezıdenti, meniń qymbatty dosym, baýyrym Nursultan Nazarbaevty táýelsizdik mereıtoıymen quttyqtaımyn», - dep bastaǵan Túrkııanyń burynǵy meleket basshysy baýyrlas qazaq eliniń derbes el etý jolynda Elbasynyń atqarǵan eńbegine joǵary baǵa berdi.

«Onyń qazaq halqyna ǵana emes, búkil túrki álemine sińirgen eńbegi úshin alǵysymdy bildirgim keledi. Qazaqstan Táýelsizdiginiń 30 jyldyq mereıtoıy kezinde onyń qyzmeti jalpyǵa birdeı moıyndaýǵa laıyq. Qazaqstan Azııadaǵy jarqyraǵan juldyz sekildi ekonomıkalyq turaqtylyq pen qaýipsizdiktiń ortalyǵyna aınaldy. Sondaı-aq, halyqaralyq qaýymdastyq ortasynda sizder qaýipsiz el retinde tanyldyńyzdar. Osy jetistikterdiń kóshbasshysyna, Nursultan Nazarbaevqa densaýlyq pen amandyq tileımin. Osy múmkindikti paıdalana otyryp, qurmeti Prezıdent Qasym-Jomart Toqaevqa jáne qazaq halqyna tabys tileımin», -dedi saıasatker.