Ábdiqalyqova: Áıelder jasyl ekonomıkanyń damýyna aıryqsha úles qosýy tıis
«Búgin biz energııa tıimdiligi men taza tehnologııalardy ilgeriletý, saıasattaǵy, ǵylym men bıznestegi jáne qoǵamdyq birlestikterdegi áıelderdiń rólin kúsheıtý máselelerin talqylamaqpyz. Ózderińizde biletindeı, búginde adamzat 4.0 ındýstrııasynyń transformatsııalyq fazasyna aıaq basty. Álemde tehnologııalyq ınnovatsııalar men tsıdrlyq tehnologııalardyń damýymen baılanysty qurylymdyq ózgerister oryn alýda. Olar jasyl ekonomıkany damytý úshin jahandyq ahýaldy túbegeıli ózgertedi», - dedi ol.
Gúlshara Ábdiqalyqova áıelder adamzattyń jasyl ekonomıkaǵa aýysýy men balamaly energetıkany qoldaný isine aıryqsha úles qosýy tıistigin basa aıtty.
«Qazaqstan Prezıdenti 2050 jylǵa deıingi damý strategııasynda sol jylǵa qaraı balamaly jáne jańaratyn energııa úlesin 50 paıyzǵa deıin jetkizý mindetin qoıyp otyr. Búginde álemge jahandyq, turaqty jáne ınklıýzıvti damýǵa áıelderdiń belsendi úles qosqany qajet. Biz adamzattyń jasyl ekonomıka men balamaly energetıkany paıdalanýǵa kóshýine aıryqsha úles qosýǵa tıispiz», - dedi Memlekettik hatshy.
Aıta keteıik, forým jumysyna álemniń 25 elinen 300-den astam delegat qatysýda. Olardyń arasynda RF Federaldyq jınalysynyń Federatsııa keńesi tóraıymynyń orynbasary Galına Karelova, Belarýs Prezıdenti Ákimshiliginiń basshysy Natalıa Kochanova, Qyrǵyzstannyń vıtse-permer-mınıstri Cholpan Sultanbekova, Jahandyq áıelder sammıtiniń prezıdenti Iren Natıvıdad, «jasyl» ekonomıka men balamaly energetıka salasyndaǵy álemdik áıelder qaýymynyń, memlekettik organdardyń, bıznes salasynyń, úkimettik emes uıymdar men Qazaqstan áıelder qoǵamdastyǵynyń ókilderi bar.