Abaıtanýshy: Biz bir-birimizge meıirimdi jáne iltıpatty bolýymyz kerek

ALMATY. QazAqparat – Fılologııa ǵylymdarynyń doktory, professor, abaıtanýshy Aıgúl Іsmaqova Abaı murasynyń mańyzdylyǵy týraly aıtty, dep habarlaıdy QazAqparat tilshisi.

«Mereke adamǵa bir sát kidirip, rýhanı kúıine nazar aýdarýǵa múmkindik beredi. Abaıdyń shyǵarmalaryn oqý kerek jáne dál qazir adamdarǵa Abaı óte qatty qajet. Abaıdyń jazbalarynan qazirgi jaǵdaıdan qalaı shyǵýǵa bolatynyna jaýap tabýǵa bolady (qazirgi koronavırýstyq pandemııa jaǵdaıy týraly). Ár adam ózin jáne aınalasyndaǵylardyń aýyryp qalmaýyn ǵana emes, sonymen birge búkil elge qalaı kómektesýge bolatyndyǵy týraly oılanýy qajet. Biz bir-birimizge meıirimdi jáne iltıpatty bolýymyz kerek», deıdi Aıgúl Іsmaqova.

Sonymen qatar, ol Abaıdyń shyǵarmalaryn karantın kezinde qaıta zerdelep, oqýǵa keńes berdi.

«Abaı shyǵarmalary – bizdiń zamandastarymyz úshin eń úlken qozǵaýshy kúsh. Abaı – bul ómirdi laıyqty súrip, abyroıyń men qadir-qasıetindi qalaı saqtaýǵa bolatyndyǵy týraly motıvatsııa júıesi», – dep sózin túıindedi fılolog.