Abaısyzda adam óltirgen Qostanaı turǵyny jansyz deneni Tobyldyń jaǵasyna jasyrǵan

QOSTANAI. QazAqparat – Qostanaı oblystyq polıtsııa departamenti krımınaldyq polıtsııa qyzmetkerleri asa aýyr qylmysty ashty, dep habarlaıdy QazAqparat vedomstvonyń baspasóz qyzmetine silteme jasap.

Polıtsııanyń málimetinshe, 1 qazanda Qostanaı qalasy Ońtústik bóliminiń 102 pýltine 66 jastaǵy áıel habarlasyp, 45 jastaǵy ulynyń otbasy turyp jatqan saıajaıdan ketip, áli kúnge deıin qaıtyp oralmaǵanyn baıandap berdi.

Polıtsııa atalǵan fakti boıynsha izdeý jumystaryn bastady.

«Júrgizilgen jedel-tergeý sharalarynyń nátıjesinde Qostanaı qalasynyń 34 jastaǵy turǵyny anyqtalǵan, aıǵaq dálelder kómegimen onyń adam óltirgeni anyqtaldy. Er adam qylmys jasaǵanyn moıyndady. Ol jábirlenýshiniń óli denesin jasyrǵan jerdi kórsetti. Oqıǵa ornyn tekserý kezinde qaıtys bolǵan er adamnyń denesi Tobyl ózeniniń jaǵasynan tabylǵan», - dep baıandady polıtsııadan.

Aldyn ala nusqa boıynsha, qylmystyń jasalýyna er adamdar arasynda shyqqan janjal sebep bolǵan.

«Jábirlenýshige onyń ólimine ákelip soqtyrǵan aýyr dene jaraqatyn salǵan soń kúdikti aıǵaq dálelderdi, er adamnyń óli denesin jasyrmaq boldy. Qazirgi kezde ol qamaýǵa alyndy, tıisti tergeý amaldary júrgizilýde», - dep qorytyndylardy polıtsııa departamentinen.