Abaıǵa arnalǵan respýblıkalyq onlaın poezııa festıvali aıaqtaldy
Sharany uıymdastyrýshy Qazaqstan halqy Assambleıasynan málim etkendeı, festıvaldiń negizgi maqsaty – aǵartýshy-aqynnyń shyǵarmashylyq murasyn nasıhattaý, memlekettik tildi qoldanýdy keńeıtý.
Poezııa festıvaline etnomádenı birlestikter arasynda 175 etnos ókili qatysatyny kútilgen edi. Olar qazaq tilinde Abaıdyń 175 óleńin oqyp, áleýmettik jelide vıdeolar jarııalaýy tıis boldy.
Alaıda aqynnyń shyǵarmashylyǵyna qyzyǵýshylyq bildirgender sany áldeqaıda kóp boldy.
«Nátıjesinde QHA-nyń baspasóz qyzmetine 705 beınerolık kelip tústi. Onyń ishinde 521 qatysýshy aqyn óleńderi men aýdarmalaryn qazaq tilinde asqaqtatsa, 127-si basqa tilderde aıshyqtaýǵa tyrysty. 126 ónerpaz Abaı ánderin shyrqap, qara sózderin naqyshyna keltirip jetkizdi», - dedi QHA-dan.
Barlyq vıdeolar men rolıkter Assambleıa saıty men óńirlik qurylymdarynyń Facebook, Instagram, VKontakte, YouTube, Telegram kanalynda, túrli aqparattyq saıttarda jarııalandy.
«Buǵan qosymsha, Abaı kúninde QHA ǵalymdary men sarapshylary Qazaqstan Prezıdenti Q.Toqaevtyń «Abaı – rýhanı reformator» maqalasynyń mańyzdylyǵyn talqylap, BAQ betterinde 50-den astam pikir jarııalady.
Jalpy, Qazaqstan halqy Assambleıasynyń Abaı kúnine arnalǵan is-sharalaryna respýblıka boıynsha 27 795 etnos ókili qatyssa, onlaın konferentsııaǵa Facebook pen Zoom arqyly 965 sarapshy-ǵalymdar men tarıhshylar qatysty», - delingen aqparatta.