Abaıdyń týǵan jeri Syrt Qasqabulaq abattandyrylady
05:10, 30 Qańtar 2020
ÓSKEMEN. QazAqparat - Shyǵys Qazaqstan oblysynda uly Abaıdyń kindik qany tamǵan jer Syrt Qasqabulaqqa abattandyrý jumystary júrgiziledi, dep habarlaıdy QazAqparat tilshisi.
ShQO ákiminiń orynbasary Baqytjan Baıahmetovtiń aıtýynsha, bıyl Abaıdyń 175 jyldyǵyna oraı Semeı qalasy men Abaı aýdanynda túrli mádenı nysandardy salýǵa, jóndeýden ótkizýge, sondaı-aq abattandyrý men kógaldandyrýǵa baǵyttalǵan 88 joba iske asyrylmaq.
«Atap aıtsaq, Abaı aýdanynyń ortalyǵy Qaraýyl aýylynda 300 oqýshyǵa arnalǵan mektep salynyp, oblystyq mańyzy bar kólik joldary jóndeledi. «Jıdebaı» memorıaldyq kesheninde Abaı atyndaǵy mýzeıdiń qurylysy júrgizilip, hakimniń týǵan aýyly Syrt Qasqabulaq abattandyrylady» - deıdi ol.
Esterińizge sala ketsek, osyǵan deıin ShQO-da Abaı mereıtoıyna oraı 560 shara ótetini habarlanǵan bolatyn.