Abaıdyń qurmetine Kókshetaýdaǵy avtobýs aıaldamasyna Qr-box ornatyldy

KÓKShETAÝ. QazAqparat – Kókshetaýda Abaı kóshesiniń boıyndaǵy avtobýs aıaldamasyna ornatylǵan Qr-box tanystyryldy, dep habarlaıdy QazAqparat tilshisi.

Qr-box arqyly kez kelgen adam smartfonnyń kómegimen Abaıdyń shyǵarmalary, aýdarmalary jáne ulaǵatty sózderi týraly málimet ala alady.

Qalalyq mádenıet bóliminiń málimetinshe, tanystyrylym kezinde volonterler aqynnyń sózi jazylǵan paraqshalar taratty, avtobýs jolaýshylaryna Abaıdyń shyǵarmashylyǵy týraly mereıtoılyq aktsııa uıymdastyryldy.

Táýlik boıy Abaıdyń shyǵarmashylyǵynan «Tory jorǵa», «Segiz aıaq», «Jyl mezgilderi» shyǵarmalary oryndaldy.

Abaı kóshesiniń boıyndaǵy kópqabatty turǵyn úıdiń qabyrǵasyna salynǵan aqynnyń alyp sýreti mereıtoıdyń shyraıyn asha tústi.

Uly aqynnyń sýretin sala otyryp, «Kózimniń qarasyn» naqyshyna keltire oryndaǵan sýretshi-graffıtıst Ernur Sársekeev qala turǵyndaryn tań qaldyrdy.