Abaıdyń asyl sózderinen artyq qundylyq joq – Aqtoty Raıymqulova
«Abaı Qunanbaıulynyń 175 jyldyǵyna arnalǵan is-sharalardyń saltanatty ashylý rásimine qosh keldińizder! Bul – el tarıhynda óshpes iz qaldyrǵan uly oıshylymyzdyń rýhyn asqaqtatý úshin qolǵa alynǵan ıgi bastama. Osyǵan oraı bıyl halyqaralyq jáne respýblıkalyq deńgeıde aýqymdy jumystar atqarylmaq. Budan shırek ǵasyr buryn Elbasy Nursultan Ábishuly Nazarbaevtyń bastamasymen uly aqynnyń 150 jyldyǵyn joǵary dárejede atap ótken edik. Bul mereıtoı egemen elimizdiń eńsesin tikteýge, ulttyq sanany oıatýǵa zor úles qosty. Tuńǵysh Prezıdentimiz sol jıynda «Abaı halqyna qamqor, ultyna janashyr bola júrip, kúlli adamzatqa meıirli gýmanıstik órege kóterildi» degen edi. Shyn máninde, kemeńger tulǵamyzdyń mol murasy – búkil adam balasy úshin asa qundy ári taǵylymdy dúnıe. Sondyqtan Abaıdyń ónegeli ósıetin dáripteý búgingi urpaqtyń qasıetti paryzy dep bilemiz«, - dedi mınıstr aqyn mereıtoıynyń resmı ashylý saltanatynda.
Onyń atap ótýinshe, bul máselege Memleket basshysy Qasym-Jomart Kemeluly Toqaev jaqynda jaryq kórgen «Abaı jáne HHІ ǵasyrdaǵy Qazaqstan» atty maqalasynda jan-jaqty toqtaldy.
«Sondaı-aq, uly oıshyldyń eńbekteri kúni búginge deıin ózektiligin joǵaltpaı, barshamyzǵa rýhanı azyq bolyp otyrǵanyn erekshe atap ótti. Qazirgi tańda elimizdiń aldynda bıik maqsattar tur. Memleketimizde saıası, ekonomıkalyq, áleýmettik saladaǵy jańǵyrý úderisi júzege asyrylyp jatyr. Osy oraıda Abaıdyń oı-tolǵamdary bizge naqty baǵyt-baǵdar beredi. Onyń asyl sózderinen artyq qundylyq joq. Elbasymyz aıtqandaı, «Abaı armandary – tek bir ǵana ult emes, kúlli adamzat ustanatyn murattar». Sondyqtan, uly oıshyldyń ilimin tereń zerdelep, jas urpaqty tárbıeleý isinde paıdalanýymyz kerek«, - dedi Aqtoty Raıymqulova.