Abaıdyń 175 jyldyǵy: Jıdebaıdyń halyqaralyq atlasy jasalady

SEMEI. QazAqparat – Semeı qalasynda uly Abaı turǵan Jıdebaı eldi mekeniniń halyqaralyq atlasy jasalady, dep habarlaıdy QazAqparat tilshisi.

Abaı atyndaǵy memlekettik tarıhı-mádenı qoryq-murajaıynyń dırektory Turdyqul Shańbaıdyń aıtýynsha, atlas aqynnyń 175 jyldyǵyna oraı Abaı akademııasymen birlesip ázirlenedi jáne úsh tilde basyp shyǵarylady.

«Jıdebaı aýmaǵy - 6 myń 400 gektar. Atlasty qurý maqsatynda daryndy fotograftardy jınadym. Basylymda Jıdebaıdyń flora, faýna, landshafty, bıoalýantúrliligi men tarıhı jerleri kórsetiledi», - dep atap ótti T.Shańbaı.

Eske sala ketsek, Jıdebaı jerinde Abaıdyń murajaı úıi men kesenesi ornalasqan.

Avtory: Oral Erlanuly