Abaıdyń ázerbaıjan tiline aýdarylǵan shyǵarmalar jınaǵy jaryq kórdi

<p>QR Prezıdenttik ortalyǵy Halyqaralyq túrki mádenıeti men murasy qorymen birlesip, &laquo;Abaı Ázerbaıjanda jáne álemde&raquo; jınaǵyn tanystyrdy. Oǵan Abaıdyń ázerbaıjan tiline aýdarylǵan óleńderi, ánderi, qara sózderi, &laquo;Abaı joly&raquo; romanynan úzindiler engen, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Aýdarma jumysymen Ázerbaıjannyń kórnekti ádebıet ókilderi P. Hálılov, M. Ibrahımov, K. Pashaeva, F. Agaeva, E. Kýlıev, F. Válıeva aınalysqan.

«Jınaqqa Qazaqstandaǵy Abaı Qunanbaev memorıaldyq kesheni usynǵan arhıvtik materıaldar, sondaı-aq Ázirbaıjandaǵy mýzeı materıaldary engizildi. Oǵan qosa, jınaqta maqalalar túrinde pýblıtsıstıka usynylǵan. Jınaqqa salynǵan sýretter de uly oıshyl ómir súrgen dáýir men ýaqytty beıneleıdi», - dedi QR Prezıdenttik ortalyǵy dırektorynyń orynbasary Botagóz Qaıypova.

Kitaptyń tusaýkeserine qoǵam jáne saıasat qaıratkerleri, onyń ishinde Halyqaralyq túrki mádenıeti men murasy qorynyń prezıdenti Gúlnaı Efendıeva, Túrki akademııasynyń prezıdenti Shahın Mustafaev, QR Parlamenti Senatynyń depýtaty Rýslan Rústemov, «Egemen Qazaqstan» respýblıkalyq gazetiniń bas dırektory Dıhan Qamzabekuly keldi.

Foto: QR Prezıdenttik ortalyǵy

«Búgingi jınaq arqyly Abaı shyǵarmalary ázerbaıjan, sol arqyly túrik, túrikmen sekildi oǵyz tili tobyna tarap, dúnıeniń biraz bóliginde Abaıdy jańasha tanýdyń múmkindigi týdy. Jalpy Abaıdyń árbir mereıtoıy kezinde ázerbaıjan dostarymyz Abaıtanýǵa kóp eńbek sińirgen. Abaıdyń dúnıeden ozǵanyna 50 jyl tolǵanda, 1954 jyldan bastap olar Abaıdy turaqty túrde nasıhattap kele jatyr. Ásirese 175 jyldyq mereıtoıǵa baılanysty Abaıdyń buryn aýdarylmaǵan shyǵarmalaryn aýdardy. Abaı shyǵarmalary qaı zamanda da jasaı beredi. Sondyqtan, Abaıdyń túrki dúnıesine, onyń ishinde ázerbaıjan halqyna áseri az bolmaıdy dep oılaımyn», - dedi Dıhan Qamzabekuly.

Qonaqtar bul jınaqtyń Qazaqstan men Ázerbaıjan arasyndaǵy qarym-qatynasty nyǵaıtatyn taǵy bir kezeń ekenin atap ótti.

Foto: QR Prezıdenttik ortalyǵy

 

«Abaı Qunanbaev Qazaqstanda jáne búkil álemde klassık, aqyn, oıshyl, kompozıtor retinde tanymal. Qazaq halqyna sińirgen zor eńbeginiń biri – Ybyraı Altynsarınmen qatar qazirgi ádebı qazaq tiliniń negizin qalaǵany. Ol is júzinde qazaq jáne orys ádebıeti, qazaq aqyn poezııasy men Shyǵystyń klassıkalyq poezııasy arasynda mádenı kópir qura aldy. Abaı – qazaq tilinde klassıkalyq shyǵarmalardy jaza bastaǵan alǵashqy adam, ol qazaq zııalylaryny býynyna áser etti. Abaı Qunanbaevtyń shyǵarmalary men ıdeıalarynda tárbıelengen dál osy zııaly qaýym otarshyldyqqa qarsy qozǵalystardy basqardy», – dedi Túrki akademııasynyń prezıdenti Shahın Mustafaev.