Abaıda pýlmoprovızorlyq gospıtal jóndeldi
Qaraǵandy oblysynyń ákimi Jeńis Qasymbek Abaıǵa jumys sapary barysynda ortalyq aýrýhanada boldy. Oǵan kúrdeli jóndeýden keıin ashylǵan pýlmoprovızorly gospıtal kórsetildi.
Bólimshe 28 orynǵa eseptelgen. Qazir palatalar bos, sebebi naýqastar joq. Qajet bolǵan jaǵdaıda barlyǵy patsıentterdi qabyldaýǵa jáne bilikti medıtsınalyq kómek kórsetýge daıyn. Aýrýhana ÓJJ apparattarymen, sandyq rentgen apparatymen, ottegi kontsentratorlarymen jabdyqtalǵan, dárilik zattardyń jetkilikti qory bar. Árbir tósekke ortalyqtandyrylǵan ottegi jetkizildi. Las aımaqtan tazasyna ótý dezınfektsııa júıesimen jabdyqtalǵan.
Sondaı-aq, aýrýhananyń qabyldaý bólimi jóndeldi. Gaz toltyrý stantsııasy ornatyldy.
Abaı aýdanynda jaz boıy 18 bilim nysany jóndeldi. Dýbovka, Kóksýn jáne Topar eldi mekenderiniń mektepterinde kúrdeli jóndeý jumystary júrgizildi. Bes aýylda jańa sport korttary men alańdary paıda boldy.
TKSh-nyń toǵyz nysany jóndeldi. Bıyl Abaı men Qarabas kentindegi káriz júıesi men
tazartý qurylystaryn qaıta jańartý aıaqtalady. Sý qubyry jelilerin qaıta qurý Qurma jáne Dýbovka aýyldyq okrýgterinde júrgizilýde.
Abaı aýdanynda sonymen qatar shaǵyn jáne orta bıznes damýda. Turǵyndarǵa yńǵaıly bolý úshin ABAY MALL iri saýda ortalyǵy ashyldy. Onyń qurylysyna ınvestorlar mıllıardtan astam teńge saldy. Quryltaıshylar jer ýchaskesin óz menshigine aldy jáne onyń aýmaǵynda 10 myń sharshy metrlik zamanaýı saýda kesheni salyndy.
Saýda ortalyǵynda azyq-túlik sýpermarketi, turmystyq tehnıka jáne qurylys materıaldary dúkenderi jumys isteıdi. Bos dúńgirshekter basqa taýarlarmen toltyrylady. Balalar oıyn alańy paıda bolady. Osy ǵımaratta alǵashqy jeke kınoteatr ashý josparlanýda.
Joba «Bıznestiń jol kartasy» baǵdarlamasy boıynsha nesıeni sýbsıdııalaý túrinde memlekettik qoldaý aldy. Ony iske asyrý óńirdi 150 jańa jumys ornymen qamtamasyz etti.