Abaı jáne Jetisý oblystary Almatyǵa 350 tonnadan astam ónim ákelmek

<p>ALMATY. KAZINFORM &ndash; 25-26 qazan, osy demalys kúnderi Abaı jáne Jetisý oblystary Almatyǵa 350 tonnadan astam ónim ákeledi.</p>

Almaty ákimdiginiń málimetinshe, aldaǵy demalys kúnderi saǵat 8.00-den 17.00-ge deıin keńeıtilgen aýylsharýashylyq jármeńkesi ótedi. Eki oblystyń fermerleri qatysady.

«Ónimniń jalpy kólemi – 350 tonna.Onyń ishinde et ónimderi – 80 tonna, jemis, kókónis ónimderi – 120 tonna, sút ónimderi – 50 tonna, balyq ónimderi – 5 tonna, basqalary – 95 tonna», - dep habarlady ákimdiktiń baspasóz qyzmeti.

Aýylsharýashylyǵy jármeńkesin ótkizýge baılanysty Sátbaev kóshesiniń Ýálıhanov kóshesinen Dostyq dańǵylyna deıingi bóliginde 25 qazan saǵat 13:00-den 27 qazan 20:00-ge deıin jabylady.

Budan basqa, №45, №95 jáne 121 avtobýstardyń baǵytyna ózgerister engiziledi. Jabylatyn ýchaskeni aınalyp ótý Abaı dańǵyly boıynsha júrgiziletin bolady.