Abaı ulaǵatyn urpaq sanasyna sińirip kelemin - Albına Gadırova

QYZYLORDA. QazAqparat - Qyzylordalyq Albına Gadırova orys mektebinde qazaq tilinen sabaq beredi. Elimizge qadam basqanyna shırek ǵasyrdan basqanyna ýaqyt ótken ol sodan beri qazaq tilin jetik meńgerip aldy. Búginde qazaq halqynyń dástúri, tarıhy, ádebıetin úırenip, ony ózge etnos ókilderine dáriptep keledi, dep habarlaıdy QazAqparat tilshisi.

Albınanyń ulty - lezgın. Ákesi men anasy Latvııada tanysyp, sonda otaý kótergen. Albına sol eldiń ıÝrmala qalasynda dúnıege kelgen. Odan keıin eki jas qazaq eline kelip, baqytty ǵumyr keshti. Qazaqstanǵa 1994 jyly qonys aýdarǵan. Dese de, azamattyq alýda biraz qıyndyqqa tap bolǵan.

«Anam sol kezdegi Qazaqstan Respýblıkasynyń Prezıdenti Nursultan Nazarbaevqa arnaıy hat jazǵan. Sol arqyly azamattyqqa qol jetkizgen. Men úshin qazaqylyq qaımaǵy buzylmaǵan Syr óńiriniń árdaıym orny bólek. Dál osy jerde qazaq tilin jetik meńgerdim. Ákem lezgın bolsa da, qazaqtyń salt-dástúrin berik ustanyp ótti. Men de sol baǵyt-baǵdarmen, qazaq eline, tiline degen súıispenshilikpen óz jolymdy salyp kelemin. Qazir orys synyptaryna qazaq tilinen sabaq beremin. Qazaqtyń uly aqyny Abaı danalyǵyn jas urpaq sanasyna sińirýge kúsh salyp kelemin», - deıdi Albına.

Onyń aıtýynsha, ustaz bedelin shákirti kóteredi. Ol árbir oqýshysyn maqtan tutady. Bilim sapasy muǵalim jumysynyń kórsetkishi ekenin aıtady. Albınanyń shákirtteri pándik olımpıadada, ǵylymı joba jarystarynda joǵary deńgeıden kórinip keledi.

«Shákirtterim respýblıkalyq, oblystyq deńgeıdegi ǵylymı jobalar saıysynan tolaıym tabystarmen oralyp júr. Tuńǵysh Prezıdent - Elbasynyń qoldaýymen ómirimizge engen «Bolashaqqa baǵdar: rýhanı jańǵyrý» baǵdarlamasy aıasynda ustaz retinde jastardy ólke tarıhymen sýsyndatýǵa mán beremin, Qazaqtyń kıeli jerlermen tanystyryp, týǵan jerdi qasterleýdi úıretýdemiz. Syr óńiri ulttyq jáne álemdik tarıh betterine atyn altyn áriptermen jazyp qaldyrǵan tulǵalarǵa kende emes. Endigi kezekte jas býynǵa aǵa býyn urpaqtary qaldyrǵan mol murany, ómirlik amanatty jadynda saqtap, abyroımen kóterip júrýine járdemdesýimiz kerek. Alaıda, ustaz jáne eki balanyń anasy retinde osy tárbıe jumystaryn árbir ata-ana otbasynda da júrgizgenin qalaımyn. Búkil arman-maqsatymdy oryndaýǵa qoldaý bildirip kele jatqan jerlesterime rızashylyǵymdy bildiremin. Qazaq halqy barlyq etnos ókilderimen tatý-tátti ǵumyr keship keledi. Dúnıe júzindegi barlyq memleketter bizdiń elimizdegi osyndaı birlik, tatýlyq, aýyzbirlikke qyzyǵa qaraıdy. Sondyqtan qashanda jaıdary júzdi, darhan peıildi, jyly júrekti qazaq halqyna alǵysymyz sheksiz», - deıdi Albına.