Abaı ulaǵatyn esimizden shyǵarmaýymyz kerek - jas ǵalym
«Elimizde 10 tamyz kúni Prezıdentimiz Qasym-Jomart Toqaevtyń bastamasymen «Abaı kúni» bolyp bekitildi. Bul Alash eli úshin, ádebıet súıer qaýym úshin qýanyshty jańalyq. Sebebi ult bolashaǵy úshin Abaıdyń rýhanı murasyn ulyqtaý, Abaı tolǵaǵan qundylyqtardy jas urpaqtyń boıyna darytý – abzal isterimizdiń biri», – deıdi Gúlnaz Bóken.
Jas ǵalymnyń aıtýynsha, búgingi tańda jahandyq deńgeıde aqyn muralarynyń nasıhattalýy – Abaıdy álemdik deńgeıdegi kemeńger tulǵa ekenin aıqyn dáleldeıdi.
«Memleket basshysy «Egemen Qazaqstan» gazetinde jarııalanǵan «Abaı – rýhanı reformator» maqalasynda da kemel aqyn murasynyń mán-mańyzyn saralaı kele, Abaıdyń rýhanı taǵylymymen úndes bilim ıgerý, tárbıe máselesi, jańa kásip ıgerý, yntymaq máselesi syndy negizgi tórt qaǵıdany ustaný qajettigine toqtaldy. Asyly, atalmysh qaǵıdattardy júzege asyrý – jahandaný dáýirdegi árbir azamattyń negizgi ustanymy bolýy kerek. ıAǵnı oqý men tárbıe berýde, ǵylymı-shyǵarmashylyq jolda Abaıdyń qara sózderin, ulaǵatyn esimizden bir sát shyǵarmaýymyz kerek», – dep túıindedi Gúlnaz Bóken.