Abaı shahtasyndaǵy 6 kenshiniń ólimine qatysty is quzyrly mınıstrlikke joldandy

NUR-SULTAN. QazAqparat – Qaraǵandy oblysyndaǵy «ArselorMıttal Temirtaý» kompanııasyna tıesili Abaı shahtasyndaǵy adam ólimine ákelgen apat boıynsha qozǵalǵan is mınıstrlikke joldandy, dep habarlaıdy QazAqparat tilshisi.

Bul jaıynda QR Eńbek jáne halyqty áleýmettik qorǵaý mınıstrligi, Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev málim etti.

«Eńbek zańnamasy boıynsha, 5 jáne odan da kóp adam qaza tapqan toptyq jazataıym oqıǵalar bolǵan kezde Úkimet qaýlysymen komıssııa qurylady. Bul iste komıssııa tóraǵasy Tótenshe jaǵdaılar mınıstri ıÝrıı Ilın boldy. Bul komıssııaǵa memlekettik organdardyń, onyń ishinde bizdiń mınıstrliktiń ókilderi kirdi. Tergeý aıaqtaldy. Іs qylmystyq is qozǵaý úshin ishki ister organdaryna jiberildi», - dep túsindirdi Eńbek komıtetiniń basshysy.

Erbol Nurǵalıevtiń aıtýynsha, «ArselorMıttal Temirtaý» basshylyǵyna túsindirý jumystary júrgizilgen.

Aıta keteıik, 2021 jyldyń 7 qarashasynda Qaraǵandy oblysynyń Abaı shahtasynda 6 adamnyń qaza bolýyna baılanysty qylmystyq is qozǵalǵan edi.