Abaı oblysynyń turǵyndaryna 375 myń tonna kómir jetkizildi
Oblystyq energetıka jáne turǵyn úı-kommýnaldyq sharýashylyǵy basqarmasynyń málimetinshe, óńir halqynyń kómirge degen suranysynyń kólemi 562,2 myń tonnany quraıdy. Búgingi tańda 375 myń tonna kómir jetkizilgen.
«Kún saıyn kómirdiń jetkizilýine monıtorıng júrgizilýde. Barlyq derekter «Qarajyra» AQ, «QTJ» AQ jáne halyq úshin kómir ótkizetin uıymdarmen salystyrylady. Qyrkúıek aıynda Abaı oblysyna shamamen 50 myń tonna kómir jetkizý josparlanǵan. Semeı qalasy men basqa da aýdandardyń turǵyndaryn kómir satylatyn oryndarynda uzyn-sonar kezek, daý-damaı týdyrmas úshin jylytý maýsymyna kómirdi aldyn ala satyp alýǵa shaqyramyz», - deıdi basqarma basshysynyń mindetin atqarýshy Bolat Ábdiralıev.
Onyń aıtýynsha, qazirgi ýaqytta barlyq tuıyq joldarda kómir bar. Kómirdiń ortasha baǵasy Semeıde tonnasyna – 10 200-10 500 teńgeni quraıdy. Al aýdandarda qashyqtyqqa baılanysty tonnasyna 9 700-den 23 000 teńgege deıin satylady.