Abaı oblysynyń polıtseıleri «sıntetıkanyń» asa iri partııasyn tárkiledi
Oblystyq prokýratýranyń úılestirýimen Abaı oblysy PD-nyń esirtki qylmysyna qarsy is-qımyl basqarmasy asa iri mólsherde esirtki zattaryn jetkizý arnasynyń jolyn kesý boıynsha arnaıy operatsııa júrgizdi.
Sonymen qatar, jaldamaly turǵyn úıdi tintý barysynda oblys ortalyǵynyń 25 jastaǵy turǵynynan ishinde aq tústi untaq zaty bar 84 ZIP-paket pen bir polıetılen paket tárkilendi. Sondaı-aq, páterde tarazy, ólsheýish qasyq jáne esirtkini oraýǵa qajetti zattar tabyldy.
Saraptama qorytyndysyna sáıkes, tárkilengen zat jalpy salmaǵy 770 gramnan asatyn mefedron ekendigi anyqtaldy. Esirtki kólemi 1 540 bir rettik dozadan asady, olardyń qara naryqtaǵy quny – 20 mln teńge.
«Atalǵan derek boıynsha QR QK-niń 297-baby 3-bóligimen (Esirtki quraldaryn, psıhotroptyq zattardy, olardyń analogtaryn asa iri mólsherde ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý) sotqa deıingi tergep-tekserý bastaldy. Osy baptyń sanktsııasymen 15 jylǵa deıingi merzimge bas bostandyǵynan aıyrý jazasy kózdelgen», - dedi Abaı oblysy PD bastyǵynyń orynbasary Narıman Kúldikov.
Foto: polisia.kz