Abaı oblysynyń logotıpi tańdaldy
Qyrkúıek aıynyń basynda óńir ákimdigi oblystyń úzdik logotıpine baıqaý jarııalaǵan edi. Arnaıy qurylǵan komıssııa konkýrstyń qorytyndysyn shyǵaryp otyr.
Komıssııa quramyna qoǵam belsendileri, óner, BAQ jáne Qazaqstan Sýretshiler odaǵynyń ókilderi engen.
Barlyǵy 28 avtordan 47 jumys tústi. Daýys berý nátıjesi boıynsha «Semeı kórkem» jarnama agenttiginiń jumysy úzdik dep tanyldy.
«Zamanaýı logotıptiń stıldi geometrııalyq syzyqtary bar. Uly Abaıdyń Otanyn aǵartý mádenıeti turǵysynan kórsetý úshin jazý atrıbýttaryn qoldana otyryp, bilim men mádenı aǵartýshylyqqa basa nazar aýdarylǵan. Biregeı tús shemasy aımaqtyń tabıǵı landshaftynan alynǵan», - delingen oblys ákimdigi taratqan aqparatta.
Al ekinshi jáne úshinshi oryndarǵa «Arteks» kompanııasy men qala turǵyny Sh.Aqanov ıe boldy. «Arteks» kompanııasynyń nusqasyndaǵy A jáne O áripteri Abaı oblysynyń abbrevıatýrasyn bildiredi.
«Sh.Aqanov jumysynda elimizdiń rýhanı astanasy – Semeı qalasy men oblystyń sáýlettik óneriniń marjany – aspaly kópir beınelengen. Komıssııa barlyq jumystardy estetıkalyq jáne ıdeıalyq mazmun turǵysynan zerttedi», - delingen habarlamada.