Abaı oblysynyń qurylýy Semeıdiń damýyna tyń serpin beredi – Almas Aıtmuqash
«Prezıdenttiń bul Joldaýynda jańa saıası reformalardyń jáne aldaǵy ýaqytta júzege asyrylatyn áleýmettik-ekonomıkalyq baǵdarlamalardyń oryndalýy týraly aıtyldy. El halqy kópten kútken Joldaý bolǵany sózsiz. Sebebi bul Joldaýdyń mazmuny men jaýapkershiligi asa joǵary. Onda halyqtyń múddesi, eldiń erteńi, memlekettiń bolashaǵy saralandy. Qasym-Jomart Toqaev «Biz bul ózgeristerdi jurtqa jaqsy kóriný úshin jasamaımyz. Qaǵaz betinde ǵana júzege asyrylǵan, biraq shyndyqqa esh janaspaıtyn jalǵan tabystarǵa masattanyp otyratyn zaman kelmeske ketti» dedi. Prezıdenttiń elge ózgeris, halyqqa jaıly jaǵdaı kerektigin jaqsy túsinip otyrǵany anyq», - deıdi Almas Aıtmuqash.
Óz sózinde ol Qasym-Jomart Toqaevtyń el janynan tabylyp, babalar amanatyna asa jaýapkershilikpen qaraıtynyna senim bildirdi.
«Memleket basshysy Semeı aımaǵynda Abaı oblysy qurylyp, Semeı qalasy jańa oblystyń ortalyǵy bolatyndyǵyn aıtty. Bul halyq únine qulaq asatyn bıliktiń aıqyn kórinisi. Bul usynys Semeı jurtshylyǵyn qýantyp otyr. Endi shahardyń áleýmettik-ekonomıkalyq turǵydan damýyna serpin beriletinine senimim mol. El basyna kún týǵan zamanda Prezıdenttiń halyqqa Joldaýy naqty istermen júzege asyrylatyny anyq. Jańa Qazaqstannyń jańarýyna barlyǵymyz birlese kúsh biriktirsek kez-kelgen qamaldy alatyn bolamyz!» - dedi Amanat partııasy jastar qanaty Shyǵys Qazaqstan oblystyq fılıalynyń tóraǵasy.