Abaı oblysynyń ákimi Semeıdegi ystyq sý problemasy týraly aıtty

NUR-SULTAN. QazAqparat – Abaı oblysynyń ákimi Nurlan Uranhaev Úkimet kýlýarynda Semeı qalasyndaǵy ystyq sý problemasy qalaı sheshiletinin aıtty, dep habarlaıdy QazAqparat tilshisi.

Sizdiń oblys basshylyǵyna kelýińizge baılanysty «Elimaı» klýby qaıta jandana ma? Abaı oblysynyń ákimi Nurlan Uranhaevqa BAQ ókilderi Úkimet kýlýarynda osyndaı suraq qoıdy.

«Negizi ol klýbty men kelgenge deıin de qaıta jandandyryp bastaǵan bolatyn. Sol jumys jalǵasatyn shyǵar», - dedi óńir basshysy.

Sondaı-aq ol qaladaǵy ystyq sý problemasy týraly pikir bildirdi.

«Bul máselemen jumys istep jatyrmyz. Keshe Memleket basshysynyń aldynda da №3 jylý-elektr ortalyǵyn salý máselesi talqylandy. Onyń qurylysy bitse, qalada jyl on eki aı ystyq sý bolady.

Men Semeı qalasynyń keıbir aýdandarynda ystyq sý bar ekenin aıtqym keledi», - dedi Nurlan Uranhaev.

Eske salsaq, keshe Abaı oblysynyń ákimi Prezıdentke óńirdiń qazirgi jaǵdaıy týraly baıandaǵan bolatyn.