Abaı oblysynyń ákimdigi eki kóne ǵımaratqa qatysty túsinik berdi

SEMEI. QazAqparat - Abaı oblysynyń ákimdigi óńirlik ólketaný murajaıynyń kóne ǵımarattan kóshirilýine, sondaı-aq aǵaıyndy Mýsınder dıirmeni tarıhı nysanynyń odan ári paıdalanylýyna qatysty túsinik berdi, dep habarlaıdy QazAqparat tilshisi.

«Jaqynda oblystyq ólketaný murajaıy kóshiriletini týraly aqparat tarady.

Búgingi tańda murajaıdyń ornyn aýystyrý nemese ony kóshirý máselesi qarastyrylyp otyrǵan joq. Mádenıet mekemesi shtattyq rejımde jumys istep tur.

Al aǵaıyndy Mýsınder dıirmeni tarıhı ǵımaratyna keletin bolsaq, onyń saqtalýyn qamtamasyz etýge arnalǵan talqylaý barysynda ǵımaratty odan ári paıdalanýdyń, sonyń ishinde ony qandaı da bir mádenı nemese qoǵamdyq nysan retinde qoldanýǵa qatysty kóptegen nusqa qaraldy.

8 qarashada oblys ákimi ǵımarat ıelerimen kezdesti.

Onda taraptar menshik ıeleri óz qarajaty esebinen ǵımarattyń saqtalýyn qamtamasyz etedi degen ýaǵdalastyqqa keldi. Aldaǵy ýaqytta tarıh eskertkishti odan ári qoldaný jóninde sheshim qabyldanady», - delingen Abaı oblysy qoǵamdyq damý basqarmasynyń Telegram-arnasynda jarııalanǵan málimette.

Ashyq kózderden alynǵan foto