Abaı oblysyndaǵy respýblıkalyq joldarda kólik qozǵalysy shekteldi
22:45, 07 Jeltoqsan 2022
ASTANA. QazAqparat - Abaı oblysyndaǵy respýblıkalyq mańyzy bar kúre joldarda kólik qozǵalysyna ýaqytsha shekteý engizildi, dep habarlaıdy QazAvtoJol baspasóz qyzmeti.
«2022 jylǵy 7 jeltoqsan saǵat 22.30-dan bastap aýa temperatýrasynyń -30 S-tan tómen bolýyna baılanysty Abaı oblysynyń barlyq respýblıkalyq avtomobıl joldarynda dızelmen júretin jáne júk kólikteriniń qozǵalysy ýaqytsha shekteldi. Tómendegi tasjoldar jabyq:
«Semeı-Reseı Federatsııasynyń shekarasy»;
«Semeı-Qaınar»;
«Omby-Maıqapshaǵaı» 587-733 shaqyrym (Pavlodar oblysynyń shekarasynan Semeı qalasyna deıin) jáne 756-906 shaqyrym (Semeı qalasynan Qalbataý aýylyna deıin)» delingen habarlamada.