Abaı oblysyndaǵy órttiń kólemi 350 gektarǵa jetti

ASTANA. QazAqparat – Tótenshe jaǵdaılar mınıstrligi daǵdarys jaǵdaılarynda basqarý ortalyǵy kezekshi bóliminiń bastyǵy Eldor Raıymbekov Abaı oblysyndaǵy «Semeı ormany» memlekettik orman tabıǵı rezervatynan órtqe qatysty sońǵy málimetti usyndy, dep habarlaıdy QazAqparat tilshisi.

«2023 jylǵy 15 shilde. Qazir Tótenshe jaǵdaılar mınıstrligi daǵdarys ortalyǵynda órt boıynsha jedel shtab jumys istep jatyr. Abaı oblysyndaǵy órttiń kólemi orman sharýashylyǵynyń aqparatyna sáıkes 350 gektardy qurap otyr. Onyń ishinde 150 gektar orman órti. Órt ornyna mınıstr ushyp bardy. Shekaralas óńirlerden mamandar jumyldyryldy. Atap aıtqanda, 15 tehnıka jáne 25 jeke quram. Órttiń negizgi núkteleri geoportal arqyly baqylanýda», - dedi Eldor Raıymbekov.

TJM málimetinshe, órtke jaqyn mańdaǵy eldi mekender jáne Reseımen shekaralas aýdandarmen aqparat almasyp otyr.

Onyń aıtýynsha, bastysy tilsiz jaýdyń órshýine jol bermeý.

Buǵan deıin Abaı oblysyndaǵy «Semeı ormany» memlekettik orman tabıǵı rezervatynan órt shyqqany týraly habarlaǵan edik.