Abaı oblysyndaǵy órtti sóndirýge «Kazavıaqutqarý» mekemesiniń tikushaǵy tartyldy

ASTANA. QazAqparat - Abaı oblysyndaǵy órtti sóndirý úshin «Kazavıaqutqarý» mekemesiniń tikushaǵy tartyldy, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, órtti sóndirý kezindegi úlken júktemege baılanysty birden 2 ekıpaj jumyldyryldy.

Birinshi ekıpaj quramynda: áýe kemesiniń komandıri Murat Musabekov, ushqysh Álisher Bazarbaev, bortmehanık Sábıt Qojamjarov, bortoperator Bereket Tájikbaev bar.

2 ekıpaj: áýe kemesiniń komandıri Evgenıı Goncharov, ekinshi ushqysh Oleg Alfeev, bortmehanık-nusqaýshy Evgenıı Zýbenko. Injenerlik-avıatsııalyq quramda V2 jetekshi ınjeneri Sergeı Dolgov, V1 avıatehnıgi Dıar Sazanov usynyldy.

Jedel derekter boıynsha órtengen aýmaq aldyn ala derek boıynsha 1100 gektardy qurady. Órtti sóndirýge 200-den astam adam jáne 100-den artyq tehnıka jumyldyryldy.

«Qazirgi ýaqytta sý tógetin qurylǵynyń kómegimen 9 sý ret tógildi. Jalpy kólemi 27 tonnany quraıdy. Jumys jalǵasýda»,-delingen habarlamada.

Osyǵan deıin Abaı oblysyndaǵy órttiń 1,1 gektarǵa taraǵanyn jazdyq.