Abaı oblysyndaǵy órtpen kúreske qatysqandarǵa memlekettik nagradalar tabystaldy

ASTANA. QazAqparat – Tótenshe jaǵdaılar mınıstrliginde Abaı oblysyndaǵa tabıǵı órtti joıýǵa qatysqandardy memlekettik nagradalarmen marapattaý saltanatty sharasy ótti, dep habarlaıdy QazAqparat.

QR Prezıdenti Qasym-Jomart Toqaevtyń Jarlyǵyna sáıkes tótenshe jaǵdaılar jónindegi birinshi vıtse-mınıstr Ibragım Kúlshimbaev órt sóndirýshilerge, Qazavıaqutqarý ushqyshyna, Ekologııa jáne tabıǵı resýrstar mınıstrliginiń qyzmetkerlerine, eriktilerge memlekettik nagradalardy tabys etti.

Barlyǵy 22 adam memlekettik nagradalarmen marapattaldy, onyń ishinde QR TJM-niń 14 qyzmetkeri bar.

«Shynynda da, otqa qarsy kúreske qatysqandardyń barlyǵy – naǵyz batyrlar, osy zaldan tys qalǵandardyń barshasy óz basshylarynyń vedomstvolyq nagradalarymen marapattalatyn bolady. Aıta ketý kerek, órtti joıýǵa qatysqandardyń bári aqshalaı syılyqpen marapattalady. Qurmetti áriptester, órtti joıýǵa belsendi qatysqanyńyz úshin alǵys aıtamyn. Sizderge jánesSizderdiń jaqyndaryńyzǵa zor densaýlyq pen amandyq, Qazaqstanymyzdyń ıgiligi úshin jumysta jańa tabystar tileımin!», - dep atap ótti birinshi vıtse-mınıstr.

Eske salaıyq, «Semeı ormany» MOT Batpaev orman sharýashylyǵy aýmaǵyndaǵy orman órti 2023 jyldyń 8 maýsymynda bastaldy. Órttiń aýmaǵy 60 myń ga qurady. Tilsiz jaýmen kúreske TJM-niń, Orman sharýashylyǵy komıtetiniń, jergilikti atqarýshy organdar men Qorǵanys mınıstrliginiń kúshteri men quraldary, eriktiler – shamamen 1500 adam jáne 300-den astam tehnıka qatysty. Sondaı-aq órt oshaqtaryn aerovızýaldy tekserýdi jáne sý shashýdy júzege asyrý úshin 14 tikushaq tartyldy. Órtke qarsy kúres kezinde áýe kemelerimen kólemi 2000 tonnadan asatyn 777 sý shashyldy.

Jalynmen kúreske tartylǵan 14 ormanshy qaza boldy. Olar Prezıdent Jarlyǵymen memlekettik nagradalarmen marapattaldy.