Abaı oblysyndaǵy órt: Ulttyq volonterler jelisi qarjylaı kómek jınaýdy bastady

ASTANA. QazAqparat – Ulttyq volonterler jelisi Abaı oblysyndaǵy órt saldarynan evakýatsııalanǵan turǵyndar men qyzyl jalyndy aýyzdyqtaýǵa tartylǵan mamandarǵa gýmanıtarlyq kómek kórsetý úshin qarajat jınap jatyr, dep habarlaıdy QazAqparat tilshisi.

«Barlyq janashyr adamdardan osy aktsııany qoldaýdy suraımyz. Jınalǵan qarajat volontery_semey_lider.kz aýdarylady, volonterler qajetti taýarlardy satyp alyp, tótenshe jaǵdaı ornyna jetkizedi. Túsken qarajattyń esebi bizdiń paraqshalarymyzda jarııalanady», - delingen ulttyq volonterler jelisiniń Instagram-paraqsynda jarııalanǵan habarlamada.

Kómek kórsetýge nıetti azamattar aqshany ekinshi deńgeıli eki bankter arqyly aýdara alady. Atap aıtqanda, «Kaspi» jáne «Halyk Homebank» qosymshasyndaǵy «Qaıyrymdylyq» bólimine ótip, «Natsıonalnaıa volonterskaıa set» qyzmetin tańdap, aqsha jiberýge bolady.

«Al zańdy tulǵalar úshin - OıÝL «Natsıonalnaıa volonterskaıa set». BIN: 120 940 015 916 «Qazaqstan halyq banki» AQ KBE 18. BIK HSBKKZKX, P/S KZ23601A871001005521», - dep rekvızıtter kórsetilgen volonterler uıymynyń áleýmettik jelidegi paraqshasynda.

Eske sala keteıik, qazirgi tańda eriktiler Abaı oblysyndaǵy orman órtimen kúresip jatqan mamandarǵa kómek kórsetip jatyr.

Keshe Prezıdent Qasym-Jomart Toqaev Tótenshe jaǵdaılar jónindegi jedel shtabtyń otyrysynan keıin órt sóndirýge jumyldyrylǵan qutqarýshylar jáne eriktilermen kezdesip, olarǵa alǵys aıtty.

Sonymen qatar, almatylyq eriktiler de órtten zardap shekkenderge gýmanıtarlyq kómek jınap jatyr.