Abaı oblysyndaǵy órt saldarynan jabaıy ańdardyń qyrylýy týraly naqty málimet joq
19:15, 13 Maýsym 2023
ASTANA. QazAqparat – QR Ekologııa jáne tabıǵı resýrstar mınıstrligi Abaı oblysynda janýarlar áleminiń qazirgi jaǵdaı týraly málimet taratty, dep habarlaıdy QazAqparat.
«Qazirgi tańda Abaı oblysynda alapat orman órti saldarynan janýarlardyń qyrylýy týraly naqty málimet joq. Óńirdiń bıoalýandyǵyna qatysty shyǵyn kólemin baǵalaý jumystary órt tolyqtaı sóndirilgen soń júrgiziledi. Popýlıatsııanyń qazirgi jaǵdaıy men olardyń qanshalyqtyń saqtalǵany jónindegi aqparat órtke qarsy sharalar aıaqtalyp, orman órtiniń saldary baǵalanǵan soń usynylady»,-delingen habarlamada.