Abaı oblysyndaǵy órt: Qamysty sharpyǵan jalynmen kúres jalǵasýda

SEMEI. QazAqparat – Abaı oblysy Kókpekti aýdanynda qamysty sharpyǵan jalynmen kúres jalǵasýda, dep habarlaıdy QazAqparat tilshisi.

Abaı oblysy ákimdiginiń málimetine súıensek, qazirgi ýaqytta Kókpekti aýdanyndaǵy órtti óshirýge 20 adam men 3 tehnıka jumyldyrylǵan. Ertis ózeniniń jaǵalaýyndaǵy Keńqoltyq ýchaskesinde qamys órtenip jatyr.

«Órt jaıly aqparat jedel shtabqa keshe saǵat 19:32-de tústi. Oqıǵa ornyna jergilikti atqarýshy organdar men Kókpekti aýdandyq TJB qyzmetkerleri shuǵyl jetti. Órt oshaǵyna eń jaqyn eldi meken 60 shaqyrymdaı jerde ornalasqan. Aýylǵa jáne sharýa qojalyqtaryna qaýip tónip turǵan joq. Tilsiz jaýmen kúres jalǵasýda. Órttiń jalpy aýdany shamamen 200 gektardy quraıdy», - delingen aqparatta.

Eske salsaq, osyǵan deıin Abaı oblysynda kesheden beri dala órtiniń beti qaıtpaı jatqany habarlanǵan.