Abaı oblysyndaǵy orman órti: zardap shekken otbasy balalaryna qarjylaı kómek bólindi

ASTANA. QazAqparat – Abaı oblysyndaǵy Semeı ormany órti saldarynan zardap shekken jáne qaıtys bolǵan qyzmetkerler otbasynyń balalarynyń mektepke daıyndyǵyn qamtý maqsatynda 500 myń teńdegen qarjylaı qoldaý kórsetildi, dep habarlaıdy QazAqparat tilshisi.

«Jańa oqý jyly qarsańynda tótenshe jaǵdaılar saldarynan zardap shekken otbasylardyń mektep jasyndaǵy balalaryna qarjylaı kómek kórsetiledi. Atap aıtqanda, búginde Abaı oblysynda orman órtinen qaza tapqandardyń balalaryna 500 myń teńge kóleminde materıaldyq járdem kórsetildi», - dedi Oqý-aǵartý vıtse-mınıstri Edil Ospan Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, vıtse-mınıstr qorǵa túsken qarjynyń tıimdi jumsalý barysy qatań baqylaýǵa alynatyny týraly aıtty.

«Qazirgi tańda bizdiń mınıstrlik jalpyǵa birdeı bilim berý qorynyń qarajatyn bólýdegi ashyqtyqty qamtamasyz etý jáne qarajattyń birkelki jumsalmaý máselesin sheshýde. Biz bólingen qarajattyń jumsalýyna baqylaý boıynsha áreketter jasaýdamyz», - deıdi ol.

Buǵan deıin «Mektepke jol» respýblıkalyq aktsııa aıasynda 450 myń muqtaj otbasy balalaryna kómek kórsetilgeni týraly habarlaǵan edik.